Во последните неколку дена проблематична беше ситуацијата на Горан Пандев, меѓутоа драмата конечно заврши – Пандев пристигна во Скопје.
Поради големиот број случаи со коронавирус (22) Пандев беше неизвесен. Иако на повеќе теста се покажа дека е негативен на Ковид-19, сепак според редовниот протокол не смееше да ја напушти изолацијата. Сепак, на крајот неговата желба да биде во Скопје за историскиот дуел со Косово победи.
Вложените напори се исплатија, тој денес пристигна во Скопје и заедно со останатите репрезентативци ќе се спремаат за мечот во четврток кога ќе ни гостува Косово.
Ќе потсетиме, за жал Елиф Елмас беше еден од двајцата позитивни во Наполи па ќе нема можност да игра во овој дуел. На негово место селекторот Игор Ангеловски го повика Ферхан Хасани.
Учество во игри на среќа е дозволено за лица со 18+ години. Играј одговорно!