Добри вести за Клоп и Ливерпул

Напаѓачот на Ливерпул, Роберто Фирмињо почна со целосни тренинзи, откако беше надвор од терените поради повреда од почетокот на ноември.

Бразилецот пропушти седум меча за „црвените“, но сега е целосно рехабилитиран и спремен да се врати во игра.

Ова се одлични вести за Клоп, бидејќи во тимот се вратија тројца фудбалери кои беа повредени. Покрај Фирмињо, од пред неколку дена на располагање на тренерот му се и Наби Кеита и Џо Гомез.

Ливерпул утре ја пречекува Астон Вила, а само неколку дена подоцна игра против Њукасл во Премиер лигата.