Дејан Георгиевски освои сребро во Софија

Најдобриот македонски таеквондист Дејан Георгиевски учествуваше на светскиот турнир „Софија Опен“ кој е дел од серијата „Г2“.

На овој турнир Георгиевски го освои сребрениот медал. Георгиевски на турнирот влезе како прв носител меѓутоа доживеа пораз од Шпанецот Гарсија Мартинез кој го победи со 12:7.

До поразот во финалето Георгиевски победи на две бори. Прво го доби Михајло Радаковиќ од Србија со 19:5, а потоа запиша уште една убедлива победа со Касадо од Шпанија (14-4).