![](https://sportski.mk/wp-content/uploads/2021/03/jakimovski-1-850x491.jpg)
Првата сезона на македонскиот кошаркар Андреј Јакимовски во НЦАА може да се оцени како успешна.
Таков став имаат и медиумите кои ја следат оваа лига.
Лига Нации: Се освен прво место ќе биде катастрофа за Македонија! ↓↓↓
„Дебитантот ги воодушеви навивачите на Кугарс, им приреди големи возбудувања, а неговата колеџ-кариера е се уште на почетокот. Откако постигна шест поени на првите три настапи, тогаш вистински почна неговата кариера во НЦАА. На следните осум натпревари просечно постигнуваше по десет поени со шут од 40% за тројка, во тој период стигна и до личниот рекорд од 19 поени, на мечот против Стенфорд“,се вели во воведот од текстот на универзитетскиот портал dailyevergreen.com за нашиот кошаркар.
И Јакимовски е задоволен од неговата дебитантска сезона, како и од односот на луѓето надвор од паркетот.
„Овде сите играчи се одлично физички подготвени и брзи, во Европа кошарката е повеќе тимски спорт. Пред натпреварите повеќе се грижев за мојата ментална подготовка, отколку за останатото. Овде, во Пулман, ја чувствувам енергијата кај љубителите на кошарката. Често, по натпреварите, кога се движам по улиците, ме среќаваат луѓе и викаат ‘Напред Кугс’. Тоа е прекрасно. Мислам дека донесов вистинска одлука со тоа што ја прифатив понудата од ВСУ. Пресреќен сум што избрав да дојдам тука и да играм за тренерот Смит“, изјави Јакимовски.