Гундоган одолговлекува, Аргентинец е новата мета на Барса

Барселона и понатаму не е излегла целосно од финансиската криза и поради тоа не може да доведеува скапоцени засилувања.

Меси не сакаше да чека, па се пресели во Интер Мајами, а на мета на Барселона веќе подолго време е Илкај Гундоган кој одолговлекува со одлуката. Ниту Гундоган не е сигурен дали Барса ќе може да го регистрира и сака гаранција.

Чави е голем фан на игратан а Гундоган и го гледа како стандарден првотимец кој може да помогне на младите играчи. Сепак, се појави и план „Б“, а тоа е Џовани Ло Селсо. Аргентинецот и понатаму е играч на Тотенхем, но минатата сезона ја помина на позајмица во Виљареал каде што остави добар впечаток.

Тој се врати во репрезентацијата на Аргентина и се опорави откако го пропушти Мундијалот во Катар и полека се враќа во препознатливата форма. Исто така не е скап, има 27 години и Тотенхем веројатно е спремен да ги сослуша понудите.