Гвардиола мисли на се: Не му дозволил на Марез да игра против Ливерпул поради бизарна причина

Maнчестер Сити продолжи да освојува трофеи во Англија. После подоброто изведување на пенали Сити вчера го победи Ливерпул во Комјунити Шилд.

Ријад Марез не играше на овој натпревар иако беше спремен Пеп Гвардиола не му дозволил да игра поради ризик од анти-допинг тест.

Шпанскиот стратег после натпреварот откри дека Алжирецот го побарал и барал од него да игра, но менаџерот на „граѓаните“ не сакал ништо да ризикува.

„Ријад ме побара и ми кажа: Сакам да играм против Ливерпул. Јас му одговорив: Секако дека си добредојден. Но не знаевме дека користи некои капки за очи. Значи постоеше ризик од допинг бидејќи нашите доктори немаа проверено за какви лекови се работи. За среќа ќе можеме да сметаме на него за натпреварот од првото коло против Вест Хем“, изјави Гвардиола.

Марез со Алжир го освои Африканскиот куп на Нации и поради тоа доби нешто подолг одмор и ја пропушти првата фаза од припремите.