Гвардиола донираше 1 милион евра за борба против коронавирусот

Менаџерот на Манчестер Сити, Пеп Гвардиола донираше 1 милион евра за борба против ширењето на коронавирусот во Шпанија.

Пеп Гвардиола во моментов е во Барселона и веќе неколку дена работи со неговите адвокати за да ја реализира оваа донација и да ја најде најдобрата намена на парите што сака да ги донира.

Донацијата е наменета за Медицинскиот факултет во Барселона и Фондацијата Анхел Солер Даниел.

Како што е веќе познато, Шпанија е втората најпогодена земја по Италија по бројот на заразени и мртви со околу 300 смртни случаи дневно.

Како што пренесоа шпанските медиуми, средставата најмногу ќе се употребат за набавување маски, ракавици, заштитини очила, средства за дезинфекција, а со дел од парите ќе се набават и респиратори.

?Muchas gracias a todos los que estáis participando en la campaña de donaciones materiales/económicas para la adquisición y compra de material/equipamiento sanitario. Satisfechos por el impulso que nos ha dado hoy Pep Guardiola @pepteam con su aportación https://t.co/HljlcBGZ92 pic.twitter.com/NvNYdXf7zV

— Col•legi Metges BCN (@COMBarcelona) March 24, 2020