Во Баерн загрижени со причина: Левандовски побарал да си оди!

Полскиот напаѓач, Роберт Левандовски најверојатно ќе биде во центарот на вниманието на крајот на оваа сезона кога ќе започне летниот трансфер период.

Неколку недели се шпекулира за тоа дека Левандовски ќе го напушти баварскиот клуб. Иако од Баерн соопштија дека тоа нема да се случи и дека немаат во план да го продадат, изгледа дека ситуацијата е поинаква.

Германските меиуми пренесоја дека во редовите на актуелниот шампион на Германија владее голема загриженост и тоа со добра причина. Наводно, Левандовски им кажал на управата на клубот дека сака да си оди на крајот на сезоната и дека едноставно му се потребни нови предизвици.

Интерес за полскиот напаѓач покажа Реал Мадрид, но во борбата за овој напаѓач подготвени се да се вклучат и Челзи и Манчестер Јунајтед. Но, „Bild“ смета дека ова е обид на Лева да добие нов договор кој ќе биде многу поголем од сегашниот.