Вилијан заминува од Челзи, но може да остане во Премиер лигата

Вилијан ја одби понудата на Челзи за нов договор и најверојатно ќе го напушти „Стенфорд Бриџ“ на крајот на сезоната како слободен агент.

Англиските медиуми пренесуваат дека Челзи му понудил двегодишен договор на Бразилецот, но 31-годишниот офанзивец ја одбил и ќе си замине како слободен агент.

Вилијан веќе има понуди од неколку големи европски клубови, но и од клубови во Премиер лигата, па можно е да остане во Англија.

Вилијан претпочита да остане во Челзи, но бара договор најмалку на три години и поради тоа двете страни не можат да најдат заеднички јазик.

Вилијан и оваа сезона е многу важен дел од тимот на Челзи и Лампард во неколку наврати апелираше до раководството да го задржи Бразилецот.