Видео: Мурињо и битката со милиметрите

Тимот на Тотенхем одигра реми без голови на гостувањето кај Ватфорд, но Мурињо и дружината имаат за што да жалаат.

Најголемата шанса за отворање на резултатот во првиот дел ја имаше Лукас Моура, но Бразилецот не успеа да го матира голманот Фостер.

Во второто полувреме Ватфорд доби пенал во 70-та минута, но трагичар беше Трој Дини, кој не успеа да го совлада Ганзанига од белата точка.

Буквално во последната минута од мечот Тотенхем имаше шанса за победа, но топката за неколку милиметри не ја помина во целост гол линијата.