Барселона ја намали цената – Кутињо по „дисконтна цена“

Најскапото засилување во историјата на Барселона, Филипе Кутињо се покажа како големо промашување, па ова лето беше испратен на позајмица во Баерн Минхен.

Баварците за позајмицата на Бразилецот платија 20 милиони евра и имаат можност да го откупат за додатни 120 милиони евра, но тоа најверојатно нема да се случи.

27-годишниот Кутињо на лето ќе се врати во Барселона, но јасно е дека за него повеќе нема место на „Камп Ноу“, па каталонскиот клуб е спремен да ја намали цената.

„Мундо Депортиво“ пренесува дека Барселона е спремна да го продаде Бразилецот доколку некој клуб понуди помеѓу 80 и 90 милиони евра.

Оваа сезона Кутињо одигра 18 меча во Бундеслигата на кои постигна 6 гола и запиша 6 асистенции, а за него интерес покажуваат клубови од Премиер лигата и Серија А.

Barcelona have acknowledged that they won't get 120 million euros for Coutinho, and have lowered their demand for the Brazilian. The club think a sum of money between 80 and 90 million euros would be a good sale. [md] pic.twitter.com/wP8czyzjaA

— barcacentre (@barcacentre) February 7, 2020