Барселона добива 3 милиони поради бизарна причина

Барселона наскоро ќе наплати скоро 3 милиони евра од бразилски Сантош и тоа поради бизарна причина.

Каталонскиот гигант пред шест години склучил договор со бразилскиот клуб според кој имаат предност при купување на тогашниот напаѓач на Сантош, Габреил Барбоса.

Сантош се обврзал дека ќе ја извести Барселона кога во клубот ќе пристигне понуда за Габигол со цел Каталонците да можат да ја израмнат и да го донесат на „Камп Ноу“.

Меѓутоа, раководството на Сантош не го направил тоа кога во 2016 година Габигол за 30 милиони евра се пресели во Интер.

Поради тоа сега ќе треба да и плати „пенали“ на Барселона во висина од 2,9 милиони евра.