Барса спремна да го позајми Кутињо

Филипе Кутињо ова лето би можел да се врати во Премиер лигата, но не во дресот на Ливерпул, туку во Челзи кој веќе започна преговори со Барселона.

Кутињо оваа сезона игра на позајмица во Баерн Минхен, па откако стана јасно дека Баварците нема да го откупат на крајот на сезоната, Челзи започна преговори со Барселона.

Според каталонски „Спорт“, менаџерот на Кутињо и Челзи се во директни преговри за личните услови на Бразилецот, откако Барселона дала согласност.

Челзи сака да го донесе Кутињо на едногодишна позајмица со право на откуп следното лето, а Барселона е спремна да ја прифати понудата поради една причина.

Имено, причината за тоа е чисто финансиска – ако Бразилецот одигра уште 24 меча за Каталонците, тие ќе мора да му платат на Ливерпул бонус од 17 милиони фунти.