Барса одлучи кој играч за врска ќе го продаде

Како што пренесува „ЕСПН“, Барса е подготвена да се откаже од еден од двајцата играчи за врска, за кој се сметаше дека е вишок на „Камп Ноу“.

Ракитиќ ќе добие дозвола да ја промени средината, доколку за неговите услуги пристигне понуда од 25-30 милиони евра. Хрватот не е во плановите на Валверде оваа сезона, предност добија Артур и Де Јонг, додека Видал често добиваше прилика од клупата.

Се пишуваше дека искусниот Чилеанец би можел да го напушти клубот, но Барса во овој момент не е спремна да се откаже од неговите услуги. Сметаат дека Видал е важен за тимот, дека неговото влијание во соблекувалната е особено важно и дека неговиот стил на игра е единствен во каталонскиот клуб.

За споменатото дуо Интер покажа интерес, но изгледа дека Италијанците ќе мораат да се задоволат со Ракитиќ.