Анчелоти до новинар: Никогаш нема да ти одговарам на тоа прашање

Реал Мадрид во последно време има проблеми со реализацијата и постигнувањето голови, а во медиумите се најавува дека ќе доведат замена за Карим Бензема бидејќи Анчелоти повеќе не е сигурен дека може да игра на највисоко ниво.

Килијан Мбапе повторно е еден од играчите кои се споменуваат како можни опции за клубот од Мадрид, посебно по елиминацијата на „светците“ од Лигата на шампионите. Во Париз се најавуваат големи проблеми и реконструкција, а Мбапе не е најзадоволен од тоа како се развива клубот.

Еден од новинарите на последната прес-конферанција одлучи да го праша Анчелоти дали сака тимот да го доведе Мбапе. Сепак, италијанскиот стратег не сакаше да одговори.

„Дали го сакам Мбапе во Реал? Можеше да ме прашаш денес, утре, за две недели или три месеци – никогаш нема да ти одговорам на тоа прашање“, изјави Анчелоти.