Џон Тери доби специјален подарок од младиот дефанзивец на Сити кој блесна против ПСЖ

Манчестер Сити на „Етихад“ го победи ПСЖ со 2:0 и се пласираше во финалето од Лигата на шампионите.

„Граѓаните“ со убедлива игра со совладаа ПСЖ и со вкупни 4:1 обезбедија место во нивното прво финале во ЛШ. Еден од најзаслужните што Сити ќе игра во финалето е дефанзивецот Рубен Диас.

23 годишниот дефанзивец одигра одличен натпревар. Направи напаѓачите на ПСЖ да бидат невидливи на теренот. После натпреварот Диас го испрати дресот со потпис до Џон Тери и му напиша:

„Голема почит до еден од моите најголеми идоли“, напишал на дресот.

Тери секако бил пресреќен за подарокот кој го добил и се заблагодари на младиот дефанзивец на „граѓаните“.

„Колку добар меч одигра ова момче вчера. Ти благодарам на подарокот пријателу“, порача Тери на Инстаграм.