Јувентус почна преговори со ѕвездата на Фиорентина

Дефанзивецот на Фиорентина и српски репрезентативец, Никола Миленковиќ одигра уште една одлична сезона и е на мета на многу европски гиганти.

Италијанските медиуми пренесуваат дека Јувентус сака да ја победи конкуренцијата и веќе стапил во контакт со Фиорентина.

Алегри сака да ја засили одбраната бидејќи не му верува на Демирал, а Киелини е на залез на кариера и често е повреден, па го одредил Миленковиќ како приоритет.

Србинот влегува во последната година од договорот и Фиорентина ќе мора да го продаде ова лето, а Јувентус веќе спремил понуда од 25 милиони евра.