Јувентус и Наполи ја сакаат ѕвездата на Баерн

Италијанските медиуми пренесуваат дека Јувентус е сериозно заинтересиран за играчот на Баерн Минхен и француски репрезентативец, Корентин Толисо.

26-годишниот играч за врска влезе во последната година од договорот со Баерн Минхен, а нема најави за негово продолжување.

Баварците се спремни да го продадат, а италијанските клубови веќе стапиле во контакт со Баерн и со агентот на фудбалерот.

Толисо пристигна на „Алијанц Арена“ во 2017 година од Лион за 40 милиони евра, а Баерн за неговата слобода ќе бара 20 милиони евра.

Французинот се согласил за преселба во Серија А, па сега останува да видиме кој ќе ја добие битката за неговиот потпис.