Ѕвездата на Лацио не се појави на првиот тренинг, Милан и Јувентус се борат за неговиот потпис

Новиот тренер на Лацио, Маурицио Сари сигурно ќе биде многу лут бидејќи еден од најдобрите играчи не се појави на првиот собир.

Како што пренесува „Кориере дело Спорт“ Луис Алберто не се појавил на првиот собир на тимот и на лекарските прегледи пред почетокот на сезоната.

Тоа го налути раководството на Лацио, кое наскоро ќе има средба со фудбалерот и неговиот агент.

Луис Алберто сака да го напушти клубот, а интерес за неговиот потпис покажуваат Милан и Јувентус.

Меѓутоа, Шпанецот има долг договор и Лацио за неговата слобода бара 50 милиони евра, сума која заинтересираните клубови  не се спремни да ја платат.