Ѓоковиќ е машина – во три сета го „сомле“ Лехечка

Новак Ѓоковиќ обезбеди место во четвртфиналето на Австралијан опен, откако во осминафиналниот дуел со убедливи 3-0 во сетови го совлада чешкиот тенисер Јиржи Лехечка. Со оваа победа, српскиот ас закажа возбудлив дуел со младиот шпански талент Карлос Алкараз.

Првиот сет Ѓоковиќ го доби со прецизна игра и одлично реализиран брејк во осмиот гем, кој му донесе предност од 5-3. Во следниот гем, Ѓоковиќ сигурно сервираше за конечни 6-3.

Вториот сет започна одлично за српскиот тенисер, кој уште на почетокот направи брејк и го презеде водството. Иако Лехечка се обидуваше да се врати во игра, Ѓоковиќ ја задржа својата предност до крајот, освојувајќи го сетот со 6-4.

Третиот сет понуди нешто поголема неизвесност. Како и во вториот, Ѓоковиќ рано направи брејк, но Лехечка успеа брзо да возврати и да го израмни резултатот на 1-1. Чешкиот тенисер се бореше храбро и избори тај-брејк, но таму Ѓоковиќ покажа зошто е еден од најдобрите во историјата на овој спорт, триумфирајќи со 7-4.