Шпански тенисер суспендиран на осум години поради местење натпревари

Шпанскиот тенисер Eнрике Лопез се соочи со навистина голема казна откако е потврдено дека учествувал во местење натпревари.

Лопез местел натпревари во 2017 година, а со казната се соочува три години подоцна. Во текот на осумгодишната суспензија тој не ќе може да одигра ниту еден официјален натпревар, дури има и забрана за присуство на тениски мечеви.

Најдобриот пласман во кариерата овој 29 годишен тенисер го оствари во 2018 година кога беше 154. на АТП листата.