Шкупи е нов шампион на Македонија!

После две децении уште од времето на Слога Југомагнат (1991-2001) на Чаир се слави титула, Шкупи и официјално е нов македонски шампион откако со 2:0 ја победи Ренова во во 29-тото коло.

Најдобриот стреле во ПМФЛ Сандеј Адетунџи на десет минути до крајот го постигна својот 19-ти гол и ја обезбеди победат. Кевен да Силва во самиот финиш само ја потврди победата и ја обезбеди долгоочекуваната шампионска круна.

Шкупи со овој триумф избега на недостижни 13 бодови од Академија Пандев и на четири кола пред крајот се крунисаа во нови шампиони.

Фото: ФК Шкупи