Ракометната федерација (ЕХФ) во петокот донесе одлука која разлути многу луѓе во ракометот. ЕХФ се реши да ги откаже сите натпревари до Ф4 во Келн и таму ги испрати двете првопласирани екипи од А и Б групите.
Улични кучиња: Системски или човечки проблем? | Уште еден поткаст
Од оваа одлука на ЕХФ не е задоволен ниту Чупиќ кој со Вардар е актуелен европски шампион. Во интервју за „Јутарњи лист“ Чупиќ отворено го изрази своето незадоволство од ваквата одлука.
„Тоа што го направија не е регуларно, мисли ли таму некој на клубовите? Во ваква ситуација мислам дека сите требаше да бидат сложни и да кажат дека нема да играат на тој начин. Вака испаѓа, богатите нека играат, а малите да им служат само за промоција на ракометот. Ова е ситуација во која прво треба да се помогне на сојузите и клубовите поради тешката ситуација и опасната иднина. Прашање е колку клубови ќе ја преживеат кризата, се плашам дека доаѓаат тешки времиња. Меѓутоа сега е најважно да останеме здрави“, изјави Чупиќ.
Учество во игри на среќа е дозволено за лица со 18+ години. Играј одговорно!