Чеферин: Бобан не заслужува одговор, јас не сум Ким Јонг Ун

Првиот човек на Европската куќа на фудбалот (УЕФА), Александер Чеферин не му остана должен на Звонимир Бобан кој одлучи да ја напушти Федерацијата.

Бобан ја напушти УЕФА и кажа дека организацијата го сменила статутот за да му обезбеди уште еден мандат на Чеферин, иако се очекувало овој мандат да му биде последен.

„Заминувањето на Бобан не предизвика никакво нарушување. Тој не заслужува мој коментар. Луѓето кои ме познаваат мене и него ќе донесат свои заклучоци. Ние веруваме во нашиот колектив и демократски процес на одлучување. Не сум јас Ким Јонг Ун од Северна Кореја“, кажа Чеферин.