Челзи го доведе поранешниот директор на Манчестер Сити

Челзи денес потврди дека Лоренс Скуарт е назначен за нов технички директор за глобални фудбалски прашања во клубот.

Стјуарт е познат спортски работник и до сега работеше во Монако, а претходно беше директор во Манчестер Сити, Евертон и националниот тим на Англија.

„Среќен сум што доаѓам во Челзи и импресиониран сум од визијата на клубот под раководство на новите сопственици. Сакам да му помогнам на Челзи да изгради глобална спортска организација“, изјави Стјуарт.

Челзи јавно му се заблагодари на Монако што без проблем го ослободил Стјуарт од функцијата.