Хулк ќе ја напушти Кина, Премиер лигата може да му биде следна дестинација

Бразилскиот фудбалер, Хулк после четири години ќе го напушти кинескиот Шангај ШИПГ и ќе се врати во Европа.

Хулк пред четири години од Зенит за 60 милиони евра се пресели во Шангај и беше убедливо најплатен фудбалер во Кина.

Неговиот договор со Шангај завршува на крајот на месецот, па Хулк се спрема за враќање во Европа.

„Разгледувам многу понуди од Бразил, но и од многу други клубови ширум Европа. Имам понуди од Турција, Португалија, Англија, Шпанија, Италија и Германија“, изјави Хулк пред неколку дена.

Сега медиумите го објавија и можниот клуб.

Наводно, Вулверхемптон размислува како замена за повредениот Раул Хименез да се обиде да го доведе Хулк. Ќе потсетиме Хименез заработи тешка повреда во дуелот со Давид Луиз и подолго време ќе биде надвор од терените.

Проблем за да се реализира оваа зделка би можела да биде платата, Хулк во Вулвс би морал да прифати намалување и сигурно нема да може да смета на сумата од 400.000 евра која му се исплаќаше во претходните четири години во Кина.