Хаос во Босна: Навивачи влетаа на терен, запален и автомобилот на судијата!

Натпреварот помеѓу Вележ и Борац во рамките од 10. коло во босанскиот шампионат не го дочека својот крај и беше прекинат во 82. минута при резултат 2:0.

После вториот гол десетина навивачи влегоа на теренот да се пресметаат со судиите, па делегатот поради таквата ситуација го прекина мечот и го завери со победа на Борец. Домаќинот за ваквиот пропуст сигурно ќе добие и дополнителна казна од страна дициплинската комисија.

Меѓутоа хаосот не заврши само на натпреварот. По завршувањето на мечот навивачите го запалиле автомобилот на еден од судиите, а еден од делегатот завршил во болница. Главниот судија го пресретнале и претепале во тунелот.

Порталот „спортспорт.ба“ објави и фотографија од запалениот автомобил.