Фудбалерот кој Барселона го испраќа на позајмици доби глупав црвен картон 🎥

Сержињо Дест кого Барселона и оваа сезона го испрати на позајмица, минатата во Милан, а сега во ПСВ, се најде на критики и од неговите соиграчи во репрезентацијата на САД поради глупавиот црвен картон против Тринидад и Тобаго.

САД во натпреварот влезе со предност од 3:0 од првиот дуел, па така не се очекуваше да има проблеми. При водство од 1:0 Дест го загуби трпение при една банална ситуација, затоа што судиите заклучија дека топката е во аут, а тој сметаше дека успеал да ја спаси.

Без никаква потреба тој ја шутна топката кон трибините, па влезе во расправија со судијата, на крајот му испрати и бакнеж, па заслужено му беше покажан патот кон соблекувалната.

Sergiño Dest is sent off after receiving two back-to-back yellows 🔴

Watch live on TNT & Max 📺 pic.twitter.com/bOmNuAJjAh

— B/R Football (@brfootball) November 21, 2023

Таковото однесување на Дест ги налути и неговите соиграчи, Дест ја сфати грешката и по натпреварот се извини преку социјалните мрежи. Во моментот на неговото исклучување САД водеше со 1:0 за на крај да загуби со 1:2. Сепак тој пораз беше безболен за Американците.