Фернандо Љоренте се враќа дома!

Раководството на Атлетик Билбао сака да го врати во своите редови напаѓачот Фернандо Љоренте, пренесуваат шпанските медиуми.

Во моментов Љоренте е член на Тотенхем, но не добива многу минутажа кај „спарси“ и само 3 пати бил во стартниот состав оваа сезона.

Љоренте е вистинска легенда на Атлетик Билбао каде помина 8 години и одигра 327 меча на кои постигна 111 гола.

Напаѓачот го напушти клубот како слободен агент во 2013 година, но и самиот не крие дека сака да се врати на „Сан Мамеш“.