Федерер стигна до 98 АТП титула и повторно е број еден!

Швајцарскиот тенисер Роже Федерер денес стигна до нова АТП титула.

Федерер од денес повторно е најдобар тенисер во светот откако во Штудгарт стигна до 98 АТП титула и 18 на трева.

Тој за еден час и 19 минути игра го победи Канаѓанецот, Милош Раониќ со 6:4 и 7:6.

За Швајцарецот ова беше прв турнир после шокантниот пораз од Кокианакис во Мајами, а со 250 бодови се враќа на првото место на АТП листата пред Рафаел Надал.

Во 2018 година Федерер оствари 21 победа на 23 меча, а против Раониќ славеше на 11 од вкупно 14 меѓусебни дуели.