Удинезе потврди: Несторовски е наш!

Тоа што се најавуваше изминатите денови, денес доби официјална потврда – Илија Несторовски кариерата ќе ја продолжи во Удинезе.

Македонскиот голгетер после изфрлањето на Палермо во Серија Ц е слободен играч и веќе има постигнато договор со Удинезе.

Италијанските медиуми пред неколку дена објавија дека Несторовски веќе ги поминал лекарските прегледи и наскоро ќе стави потпис на договорот.

Тоа денес го потврди и директорот на Удинезе, Пјерпаоло Марино, кој изјави дека македонскиот голгетер ќе се пресели на „Фриули“.

„Несторовски е наш. Наскоро ќе му се приклучи на тимот на подготовките“, потврди Марино.

Несторовски со Удинезе потпише 3-годишен договор со опција за четврта година и ќе заработува 1 милион евра по сезона.

Marino annuncia il prossimo rinforzo dell'Udinese: "Nestorovski è praticamente nostro" ?https://t.co/dSGu4ecBrt

— Goal Italia (@GoalItalia) July 26, 2019