Тренерот на голманите во Јунајтед: Заминав поради Де Геа

Емилио Алварез, поранешниот тренер на голманите на Манчестер Jунајтед, зборуваше дека е измамен од Давид де Геа.

На 16 септември 2019 година Јунајтед го продолжи договорот на Де Геа до 2023 година, меѓутоа тоа имало колатерална штета и оставила последици.

Жорге Мендеш престана да биде негов агент, а Алварез даде оставка на тренерското место во Манчестер Јунајтед.

Алварез тврди дека Јунајтед не ја откажал соработката со него, туку тој самиот решил да замине поради Ге Геа.

„Не е вистина дека ме отпуштија. Всушност, откако Де Геа го продолжи договорот, добив и јас понуда. Јас бев тој кој бараше од клубот да заминам затоа што не сакам да го тренирам Де Геа. Освен што бев негов ментор во Атлетико Мадрид, бев и негово лице од доверба. Дојдов во Јунајтед благодарение на одличната работа на Жорге Мендеш и затоа што Мурињо сакаше да ме потпише за развојот и лојалноста на Де Геа во клубот затоа што во тоа време сакаше да го напушти Јунајтед“, Рече Алварез.