Судот го осуди Бензема, доби затворска и парична казна

Судот во Версај го прогласи напаѓачот на Реал Мадрид, Карим Бензема за виновен за уценување на поранешниот фудбалер Матје Валбуена, пренесува „Екип“.

Бензема е прогласен за виновен за соучество во обид за уцена и осуден на една година условна затворска казна и парична казна од 75.000 евра. Максималната казна која можеше да ја добие фудбалерот е пет години затвор.

За виновни се прогласени и четворица други обвинети.

За потсетување, 33-годишниот Французин беше обвинет во 2015 година дека дејствувал како посредник, поттикнувајќи го Валбуена да им плати на уценувачите да не објавуваат интимно видео за него.