Солскјер на маки, повредени десет фудбалери: Ова е шанса за Санчез и Лукаку!

Оле Гунер Солскјер се соочува со големи проблеми пред мечот со Кристал Палас бидејќи не може да смета на дури десет повредени фудбалери.

Натпреварот на „Селхрст Парк“ се игра утре во 21 часот, а Солскјер нема да може да смета на Андер Ерера, Хуан Мата, Џеси Лингард и Маркус Рашфорд кои се повредија на мечот со Ливерпул.

Од поодамна повредени се уште Фил Џонс, Антонио Валенсија, Матео Дармијан, Немања Матиќ и Антони Марсијал, како и младиот Мејсон Гринвуд.

Солскјер призна дека направил грешка што го ставил во игра Лингард на мечот против Ливерпул. Англискиот репрезентативец влезе од клупата за резерви на мечот и ја обнови поведата.

„Пред мечот Џеси имаше голема желба да игра и ги исполни сите чекори од планот за рехабилитација. Знам дека беше многу рано да се врати на терените и можеби направив грешка. Но противникот беше Ливерпул и тој многу сакаше да игра“, открива Солскјер.

„Матео тренираше претходниот ден но мислам дека нема да биде подготвен. Фил е болен, па и тој е надвор од конкуренција. Валенсија ќе паузира уште некоја недела откако ја обнови повредата на листот на ногата. Марсијал не е подготвен за утре, не сакаме да ризикуваме ништо со него. Рашфорд е под знак прашалник, ќе треба да видиме како неговиот зглоб ќе реагира на третманот. Ова е голема шанса за Лукаку и Санчез да го покажат својот потенцијал“, додаде Солскјер.

Happy 46th birthday, Ole. We hope you have a brilliant day! ♥️ pic.twitter.com/jssl9WHhf6

— Manchester United (@ManUtd) February 26, 2019