Со еден погрешен потег Ѓоковиќ и останатите можат да бидат дисквалификувани од АО

Австралија Опен ќе се игра под коронавирус околности, a организаторите објавија дека сите тенисери кои ќе учествуваат на турнирот ги прифатиле условите за настап и протоколите.

Сите тенисери ќе мора да бидат во задолжителен 14-дневен карантин по пристигнувањето во Австралија, ќе бидат тестирани  на Ковид-19 на секои два дена и ќе тренираат по специјални протоколи.

Првиот носител Новак Ѓоковиќ, со Рафаел Надал и Доминик Тим ќе бидат во одвоен карантин во Аделаида, каде правилата нема да бидат толку строги, а тоа ги налути останатите тенисери.

Сепак, ако некој играч или член на неговиот тим ги прекршат строгите правила, ќе добијат казна. Казната може да биде парична од 19.000 долари, може да има дисквалификација на тенисерот.