Репрезентативка на Бугарија е новото засилување за ЖФК Каменица Саса

Maкедонскиот фудбалски шампион во женска конкуренција ЖФК Каменица Саса денес доведе ново засилување.

Каменица Саса ја засили напаѓачката линија со репрезентативката на Бугарија, Антонина Шопска.

„Денес потпис на едногодишен договор стави нашата нова фудбалерка која доаѓа од Пирин Лејдис, Република Бугарија. Дваесет годишната Антонина минатата сезона беше топ реализатор на Благоевградската екипа со 21 постигнати голови“, соопштија од клубот.

Претходно овој клуб ја доведе голманката на Јелена Гвоздерац која е репрезентативка на БиХ.

Ќе потсетиме, македонските шампионки ги чекаат натпревари во квалификациите за Лигата на шампионите каде што ќе играат во гриупа со Сент Полен, Бешикташ и Јувентус.