Реал ќе инкасира 180 милиони од продажба на фудбалери

Реал Мадрид поради значајниот губиток на приходи поради пандемијата ова лето најверојатно нема да носи нови засилувања, открива „Марка“.

Притоа, „кралевите“ сакаат да се ослободат од некои фудбалери кои имаат високи плати. „Марка“ пренесува дека Реал од нивната продажба планира да заработи 180 милиони евра.

Хакими е веќе продаден за 45 милиони евра, а први на листата за продажба се Хамес Родригез и Герет Бејл. „Кралевите“ го ставиле Бејл на „попуст“ и се спремни да го пуштат за „само“ 25 милиони евра, бидејќи приоритет е да се ослободат од високата плата на Велшанецот.

Лука Јовиќ е третиот фудбалер, кој ќе биде продаден по очајната дебитантска сезона, иако минатото лето пристигна за 60 милиони евра.

Дани Себалјос, Оскар Родригез, Маријано Дијаз и Брахим Дијаз се исто така на продажба.

Real Madrid plan to raise €180m in player sales this summer with Gareth Bale, James Rodriguez, Dani Ceballos and Luka Jovic among the priority exits. [Marca] pic.twitter.com/D1YHKV85w8

— Transfer News (@TransfersLlVE) August 3, 2020