Рангник: Предложив неколку имиња за трансфери, 4 засилувања нема да бидат доволни

Ралф Рангник ќе биде менаџер на Манчестер Јунајтед до крајот на сезоната, а потоа ќе остане во клубот да работи како советник за трансфери.

Германецот откри дека веќе му предложил неколку имиња на клубот за трансфери и истакна дека 3,4 засилувања нема да бидат доволни.

„Нема значење каква ќе биде формацијата и каков стил ќе игра новиот тренер. Јунајтед има потреба од засилувања и јас веќе им предложив неколку имиња на директорите“, откри Рангник.

„Според мене само тројца-четворица нови засилувања нема да бидат доволни, ако погледнеме колку многу тимот треба да се подобри. Треба да имаме во предвид и колку фудбалери ќе заминат бидејќи има неколкумина на кои им истекува договорот“, додаде Германецот.