Рамос му порачал на Перез – Тој не е добродојен во Реал!

На негово место капитенот на Реал би сакал да го виде Пјер Емерик-Обамејанг.

Во последно време многу се зборува за преминување на Мауро Икарди во Реал. Аргентинскиот напаѓач игра одлично во Интер, а многумина токму во него гледаат решение на проблемите во нападот на „кралевите“.

Шпанскиот фудбалски таблоид „Дон Балон“ пренесува дека капитенот на Реал Мадрид јасно му порачал на претседателот на клубот Флорентино Перез дека Икарди не е добродојден во клубот.

На Аргентинецот му се замерува за тешкиот карактер надвор од теренот, како и сите скандали поврзани за него и неговата сопруга Ванда Нара.

Наместо него, Рамос се обидува да го убеди Перез, Реал да тргне по Пјер Емерик-Обамејанг кој минатото лето јавно изрази желба за доаѓање во Мадрид.