Продолжува случајот „Суарез“ – кој се ќе биде казнет?

Изминатото лето Јувентус остана без Луис Суарез после контроверзиите кои настаа на испитот за италијански јазик кој му беше потребен за да добие италијанско државјанство.

Целиот случај крена многу прашина бидејќи наводно Уругваецот пред испитот ги добил прашањата и на тој начин не му било тешко да положи.

Поради тоа италијанските власти ја суспендираа ректорката на Универзитетот за странци во Перуџа, Џулијана Грего, директорот Симоне Оливеира и професорите кои го тестирале Суарез.

Тие беа суспендирани на осум месеци, а сега се очекува и продолжување на истрагата, пишува „Кориере дела Сера“. Се очекува казнети да бидат и претставниците на Јувентус.