Преку социјалните мрежи најави заминување, а сега прв кандидат да го замени Левандовски во Барселона?

Намерите на Жоан Лапорта да направи драстични промени за следната сезона во однос на играчкиот кадар може да се одразат на Роберто Левандовски и неговиот статус во клубот.

Чави Ернандез по натпреварот во Жирона се пожали дека „повторно им недостига ефикасност“ и ова е ситуација за која многу се зборува на европската фудбалска сцена.

По таквите најави се појавија информации за можно заминување на полскиот голгетер. Од Островот веќе се пишува и кој играч би го заменил во Каталнија.

Британскиот весник „Сан“ објави дека клубот од Каталонија веќе има избран кандидат за замена на „деветката“ на Барселона, а тоа би бил Дарвин Нуњез.

Дарвин не се снајде најдобро на последните два натпревари во Премиер лигата, на кои влезе од клупата за резерви, а во текот на целата сезона е критикуван поради неговите промашувања.

Исто така како најава за заминување се смета и неговиот последен потег каде што од социјалните мрежи ги избриша сите фотографии од дресот на Ливерпул и остави само приватни и оние од дресот на репрезентацијата на Уругвај.

Барселона очигледно ќе се обиде да ја искористи таа ситуација, а дали ќе успее ќе видиме во летниот преоден рок.