Потврдено: Реал Мадрид ја купи ѕвездата на Ривер Плата!

Реал Мадрид игра катастрофална сезона, а врв на лошите резултати беше вчерашниот дебакл во „Ел Класико“.

И додека се уште не е јасна судбината на Лопетеги и кој ќе седи на кормилото до крајот на сезоната, раководството мисли на иднината и го обезбеди потписот на еден од најталентираните Аргентинци.

Имено, ѕвездата на Ривер Плата, Езекил Паласиос е нов играч на „кралскиот“ клуб. Станува збор за 20-годишен играч за врска, кој неодамна дебитираше за сениорската репрезентација.

За него силен интерес покажуваат многу европски гиганти, меѓу кои Атлетико и Барселона, но Реал беше најбрз и постигна договор со Ривер Плата за трансфер вреден 23 милиони евра.

Паласио наскоро ќе потпише петгодишен договор со „кралскиот“ клуб, а на „Сантиаго Бернабеу“ ќе пристигне следното лето.