Пикси: Останувам селектор, ќе ни беше потешко ако победевме

Српскиот селектор Драган Стојковиќ – Пикси кажа дека е разочаран поради поразот од Швајцарија и елиминацијата од Мундијалот во Катар, но ќе остане на кормилото на репрезентацијата.

Србија имаше разочарувачко Светско првенство, освои само еден бод во групата, но селекторот Пикси нема да преземе одговорност.

„Сакам прво да и честитам на Швајцарија. Ние не сме задоволни од резултатот. Уште од самото доаѓање имавме проблеми. Момците се бореа, но не беше доволно. Што се однесува до мојот статус, останувам селектор. Во март ќе ги продолжиме квалификациите за Европското првенство“, изјави Пикси.

„Ќе беше поболно ако победевме, а испадневме. Затоа што ме изненади победата на Камерун над Бразил, но може да видите дека досега испаднаа Германија, Белгија, Данска, Уругвај. Мундијалот е непредвидлив“, кажа Пикси.