Париското невреме ги одложи дуелите од Ѓоковиќ и Надал на Ролан Гарос

Вчерашното невреме во Париз им создаде проблеми на организаторите на вториот тениски Гренд слем во сезоната, Ролан Гарос.

Предвидените четвртфинални мечеви во машка конкуренција Рафаел Надал-Пабло Карењо-Буста и Новак Ѓоковиќ-Доминик Тим се одложени за во среда.

Ова значи дека сите четртфинални мечеви во машка конкуренција ќе се одиграа в среда, останатите два дуела се Енди Мари-Кеи Нишикори и Стан Вавринка-Марин Чилиќ.

Покрај предвидените четвртфинални мечеви во машка конкуренција, одложен е дуелот во двојки Зимоњиќ/Вердаско против Дутра Силва/Лоренци.