Пандевци до голема победа во последна минута, Захов му „подари“ реми на Работнички

Денес беа одиграни првите четвртфинални натпревари од фудбалскиот Куп на Македонија.

Големо внимание привлече дуелот помеѓу Шкендија и Работнички, кој заврши без победник (1:1). Шкендија поведе со голот на Жуниор уште во 8-та минута од мечот, а Работнички израмни со погодокот на Драган Стојков во 33-та минута после катастрофалната грешка на голманот Захов.

Актуелниот бранител на трофејот Академија Пандев славеше на гостувањето кај Шкупи со 1:0 и така направи голем исчекор кон полуфиналето.

Единствениот гол на мечот беше постигнат буквално во последната минута од судиското продолжение, кога Темелков го матираше голманот на домаќините.