Официјално: Коло Туре започна самостојна тренерска кариера

Поранешниот фудбалер, Коло Туре започна самостојна тренерска кариера и потпиша договор со Виган.

Досега Туре беше дел од стручниот штаб на Брендан Роџерс во Лестер, меѓутоа ја прифати понудата од Виган да го води клубот. Поранешниот премиерлигаш потврди дека со Туре потпишале договор на три ипол години.

„Со задоволство можеме да потврдиме дека Коло Туре е нов тренер на првиот тим“, објави англискиот клуб.

Како фудбалер Туре 14 години помина во Премиер лигата носејќи го дресот на Арсенал, Манчестер Сити и Ливерпул.

👊🏼 The new era begins…#wafc 🔵⚪️ #BELIEVE pic.twitter.com/BmghKbvxNe

— Wigan Athletic (@LaticsOfficial) November 29, 2022