Одложен и Ролан Гарос: Ќе се игра дури во септември

Oрганизацијата Ролан Гарос објави дека овој престижен Грен Слем турнир е поместен за крај на септември.

Тенискиот турнир во Париз беше предвиден да се игра за крај на мај, но одлучено е да се игра од 20. септември до 4. октомври оваа година.

Причината секако е пандемијата поради коронавирусот која го парализираше спортот во Европа, претходно АТП и ВТА ги откажаа сите турнири кои беа планирани за март и април.

Изгледа дека тенис нема да гледаме во наредните најмалку два месеци, но се зависи од тоа како самата пандемија ќе се развива.

Титулите на Ролан Гарос во машка и женска конкуренција ги бранат Рафаел Надал и Австралијката Ешли Барти.