Се било спремно за Надал да каже „збогум“, но во последен момент се случил пресврт

Директорката на Ролан Гарос и познатата поранешна тенисерка Амели Морезмо откри дека Рафаел Надал планирал да се збогува на вториот Грен слем сезонава, но во последен момент се откажал од таквата идеја.

Имавме сè подготвено и договоривме збогување. Се до моментот кога Рафа дојде на Гарос“, изјави Морезмо.

Рафа почувствува дека неговото тело е во многу подобра состојба отколку што беше во претходните месеци и недели и одлучи да го одложи пензионирањето.

По поразот од Зверев, Морезмо го прашала дали сепак сака да има проштална церемонија, меѓутоа очигледно одговорот бил негативен.

Претходно Шпанецот најави дека нема да игра на Вимблдон и ќе ја пропушти сезоната на трева со цел подобро да се припреми за Олимписките игри.

🗣️ Amelie Mauresmo, directora de Roland Garros, habla de la presencia de Rafael Nadal en París.#RG2024 #RGEurosport pic.twitter.com/EIoYv7lqI4

— Eurosport.es (@Eurosport_ES) April 25, 2024