Одбојкарите во група со Австрија, Летонија и Косово

Македонската одбојкарска репрезентација денес ги доби Австрија, Летонија и Косово за противници во новата сезона од Европската лига.

Нашите репрезентативци за првпат ќе играат со Косово и Летонија, додека со Австрија имаат играно минатата сезона, кога победивме во полуфиналето.

Европската одбојкарска федерација дополнително треба да го одреди системот на натпреварување за оваа сезона и распоредот.

Во изминатите три години Македонија секогаш стигнуваше до финалето но не успеа да дојде до златото.