Нова жртва на данокот во Шпанија: Санчез осуден на 16 месеци затвор!

Проблемите со данокот во Шпанија не престануваат, следна жртва е новото засилување на Манчестер Јунајтед, Алексис Санчез.

Имено, Санчез бил дури и осуден на затворска казна од 16 месеци, но Чиелаенцот успеал да се договори со властите во Шпанија па нема да заврши зад решетки.

Новиот фудбалер на Манчестер Јунајтед е осуден за затајување на данок од милион евра. Според законот во Шпанија ќе биде поштеден од затворска казна бидејќи казната е помала од две години, но и поради тоа што прв се соочува со ваков проблем.

Поранешниот напаѓач на Барселона ја признал вината и ќе плати одреден износ. Чилеанецот се обвинува дека во времето кога настапувал за Барселона 2012 и 2013 година не го пријавил приходот на имиџот од своите права.

Проблеми со данок помеѓу останатите во Шпанија имаа Кристиано Роналдо, Лионел Меси, Рикардо Карваљо и Жозе Мурињо.